ဒီနေရာမှာ သူငယ်ချင်းနဲ့ လုပ်ဖော်ကိုင်ဖက်ဆိုတဲ့ အဓိပ္ပါယ်လေး နည်းနည်း ကွာခြားတယ်လို့ ထင်ပါတယ်။ ရန်ကုန်ကို စရောက် ကတည်းက ကျောင်းတစ်ဖက် အလုပ်တစ်ဖက်ဖြင့် လုပ်ကိုင်လာခဲ့ရာ ကျောင်းသားဘ၀ ပျော်ရွှင်မှုကို ရသမြောက်စွာ မခံစားခဲ့ဖူးပါ။ သို့ပေမယ့်လည်း ရည်မှန်းချက်တချိ်ု့အောင်မြင်ခဲ့၍ ကျေနပ်ခဲ့ရပါသည်။ ကျွန်တော် စီးပွားရေးတက္ကသိုလ်မှ မဟာဘွဲ့မပြီးခင် နှစ်ဝက်အလိုတွင် အမျိုးသားအကျိုးစီးပွားသုတေသနဌာနတွင် သူငယ်ချင်းတစ်ယောက်၏ အဆက်အသွယ်ဖြင့် စတင်ဝင်ရောက်ခဲ့ရာ ယနေ့တိုင် လုပ်နေဆဲပင်ဖြစ်သည်။ ဌာနတွင် လုပ်ဖော်ကိုင်ဖက်များအားလုံးနှင့် ခင်မင်ကျွမ်းဝင်ခဲ့ခြင်းမရှိခဲ့ပေ။ သို့ပေမယ့် ကျွန်တော် လေးစားချစ်ခင်နေရသော လုပ်ဖော်ကိုင်ဖက်များကို ၂၀၀၉ နှုတ်ဆက် မှတ်တမ်း၏ တစ်ပိုင်းတစ်စ ဖြင့် ရေးသားလိုက်ရခြင်း ဖြစ်ရသည်။
လက်မတွဲနိုင်ခဲ့သော လုပ်ဖော်ကိုင်ဖက်များ
၁။ ကောင်းမြတ်ထွဋ် - စီးပွားရေးတက္ကသိုလ်မှ စတင်ကာ ရင်းနှီးခဲ့သော သူငယ်ချင်းဖြစ်သည်။ ဌာနတွင် ခဏမျှသာ တာဝန်ယူခဲ့သော်လည်း လုပ်ငန်းပိုင်းဆိုင်ရာ ကျွမ်းကျင်မှုများဖြင့် ပြည့်ဝသူဖြစ်သည်။ ယခုအချိန်အထိ ကျွန်တော်နှင့် သူသည် အချို့သော ပြင်ပလုပ်ငန်းများတွင် အတူတူ ဆက်လက် လုပ်ကိုင်နေဆဲဖြစ်သည်။
၂။ သက်အောင် - သူသည်လည်း အမျိုးသားအကျိုးစီးပွားသုတေသနဌာနတွင် ခဏမျှသာ တာဝန်ယူဆောင်ရွက်ခဲ့သော်လည်း ကျွန်တော် အမြဲအမှတ်ရနေသော လုပ်ဖော်ကိုင်ဖက်ကောင်း တစ်ဦး ဖြစ်သည်။ ဌာနတွင် ကျွန်တော်တို့အဖွဲ့၏ ဦးဆောင်သူလည်း ဖြစ်သည်။ ကျွန်တော်လည်း သူ့ထံမှ အချို့သော အတွေးအခေါ်များ၊ လေ့လာပုံ နည်းစနစ်များကို အတုယူခဲ့ရသည်။
၃။ ကိုပြည့်စုံ - ကျွန်တော်နှင့် သူ တခါမျှ အတူမလုပ်ခဲ့ဘူးပါ။ အဘယ်ကြောင့်ဆိုသော် ကျွန်တော် အ၀င်၊ သူအထွက် ဖြစ်သည်။ သို့ပေမယ့် ကျွန်တော် သူ့ကို လေးစားစိတ်ဖြင့် ခင်မင်မိသည်။
တစ်ပိုင်းတစ်စ လက်တွဲခဲ့သော လုပ်ဖော်ကိုင်ဖက်များ
၁။ ဆရာကျောင်း - ကျွန်တော်တို့အခေါ် ကျောင်းအုပ်ကြီး (သို့မဟုတ်) ဆရာကျောင်း၊ ကျွန်တော့် စီနီယာ တစ်ဖြစ်လဲ တစ်ဖွဲ့တည်း အတူလုပ်ခဲ့ဖူးသူ၊ လွန်စွာမှ ဟာသဥာဏ်ရွှင်ပြီး စိတ်ဝင်စားသော ကဏ္ဍလည်း တူသူ ( သုတေသနအလုပ်ကို ပြောတာပါ ---)။ ကျွန်တော့် အချို့သော တွေးခေါ်မှုများတွင် ဦးဆောင် လမ်းညွှန်နိုင်ခဲ့သူ။ ရောင်ရဲတင်းတိမ်မှုများပြီး စိတ်ညစ်စရာများ၊ စိတ်ရှုပ်စရာများကို ဟာသများ ပြောပြီး ဖြေဖျောက်ပေးနိုင်သူ။ မယုံရင် ကျွန်တော့် ဘလော့ဂ် စာမျက်နှာတွင် လင့်ခ်ထားသော သူ့ရဲ့ ဘလော့ဂ် ပြောမဆုံးပေါင် တောသုံးထောင်ကို ၀င်ရောက် ဖတ်ရှုနိုင်ပါတယ်။ ဒါပေမယ့် ဘလော့ဂ်ရေးဖို့ ကျော်ရ ခွရတာ စိတ်ရှုပ်လို့ ဖေ့ဘုတ်ကို အိမ်ပြောင်းသွားပြီလို့လည်း သတင်းကြားပါတယ်။ သတိတရဖြင့် လေးစားရသော လုပ်ဖော်ကိုင်ဖက်ကောင်း တစ်ဦးဖြစ်ပါတယ်။ သူ့နာမည်ကတော့ ကိုအောင်စိုးနိုင် ဖြစ်ပါတယ်။ အခုတော့ ကိုးခရိုင်ဒေသတွင် သုတေသနလုပ်ငန်းများ လုပ်ကိုင်သော အန်ဂျီအိုတစ်ခုတွင် အလုပ်လုပ်နေပြီး အထက်မြန်မာပြည်အနှံ့ သွားလာနေတယ်လို့ သိရပါတယ်။
၂။ ရဲလေး - မျက်မှန်အထူကြီးတပ်ပြီး ကွန်ပျူတာပိုင်းဆိုင်ရာ ကျွမ်းကျင်သူ၊ စိတ်ရှည်သူ၊ ဂိမ်းကစားတော်သလို စာအရေးအသား ကောင်းသူ၊ စာဖတ်အားကောင်းသူ၊ ဒေသတွင်း ဗဟုသုတ ကြွယ်ဝသူ။ ရှေ့မှီ နောက်မှီ အချို့သော (-----) အဖြစ်အပျက်များကို ကောင်းစွာ ပြောပြနိုင်သူ၊ မကြာသေးခင်ကမှ အလုပ်ထွက်သွားပြီး ပြည်တွင်း အန်ဂျီအို တစ်ခုတွင် အလုပ်လုပ်ကိုင်နေသူ၊ ကျွန်တော်နှင့် အတွေးအခေါ်၊ စိတ်ကူများ အတော်ကို တူသူ၊ ဌာနတွင် လုပ်ခဲ့စဉ်က အချို့သော အလုပ်တာဝန်များကို အတူလုပ်ခဲ့ဖူးသူ။ အလုပ်ပြောင်းသွားပြီးမှ ပိုပြီး ၀လာသူလည်း ဖြစ်ပါတယ်။ ရဲလေးက သီချင်းဆိုလည်း အတော်ကောင်းပါတယ် ----
Posts
No comments:
Post a Comment