အလယ်လူ ဘာကြောင့်ပျောက်နေလဲ

စီမံခန့်ခွဲမှုလို့ပြောရင် အများအမြင်မှာက ရာထူးအဆင့်မြင့်သူတွေ၊ လူကြီးတွေသာ လုပ်ဆောင်ရမယ့်အရာလို့ ယူဆချက် ကလေးတွေ ရှိနေပါတယ်။ အမှန်တကယ်က နေရာတိုင်း၊ လူတိုင်းအတွက် သက်ဆိုင်တဲ့ စကားစု ကလေးပါ။ ဒီတခါတင်ပြချင်လာတဲ့ အကြောင်းအရာကလေးက နိုင်ငံတကာမှာ အထူးသဖြင့် မြန်မာနိုင်ငံမှာ ကြုံတွေ့နေရတဲ့ အချို့သော အကြောင်းအရာဖြစ်ပါတယ်။ ရှေးအစဉ်အဆက်ကတည်းက ယဉ်ကျေးမှု၊ စာပေ၊ ရိုးရာ စသည်ဖြင့် အဆင့်ဆင့် လက်ဆင့်ကမ်းခဲ့တာပါ။ ဒါပေမယ့် အကြောင်းအရာ တစ်ခုကိုတော့ လက်ဆင့်ကမ်းဖို့ ပျက်ကွက်နေဆဲပါ။ လူအမျိုးမျိုး၊ စိတ်အထွေထွေ ဆိုသကဲ့သို့ အခုတင်ပြမယ့် အကြောင်းအရာ အပေါ်မှာလည်း ကွဲလွဲမှုလေးတွေ ရှိနေနိုင်ပါတယ်။
ယနေ့ခေတ်မှာ အစိုးရ၀န်ထမ်းပဲဖြစ်ဖြစ်၊ ပုဂ္ဂလိက ၀န်ထမ်းပဲ ဖြစ်ဖြစ် ကိုယ့်နေရာကို ကိုယ်မလုပ်နိုင်တော့တဲ့အချိန်မှာ ရောက်လာမယ့်သူကို ၀မ်းမြောက်စွာ ကြိုဆိုလိုခြင်း လွန်စွာနည်းပါးပါတယ်။ ဥပမာအနေနဲ့ တင်ပြရမယ်ဆိုရင် ပင်စင်ယူရတော့မယ့် အကြီးအကဲတစ်ယောက်ဟာ သူ့နေရာမှာ ဆက်လက်တာဝန်ထမ်းဆောင်မယ့် ၀န်ထမ်းကို လုပ်ငန်းဆိုင်ရာ သဘောတရားများ၊ လုပ်ထုံးလုပ်နည်းများကို ကောင်းစွာ ဖြန့်ဝေသင့်ပါတယ်။ ဒီနေရာမှာ မြန်မာလူမျိုးတွေရဲ့ သန္တန်မှာ စွဲနေတဲ့ အယူအဆက `ငါမွေးတဲ့ မျောက် ငါ့ပြန်ခြောက်မှာစိုးလို့´ စတဲ့အယူအဆတစ်ခုနဲ့ ဆရာစားများစွာ ချန်ထားတာတွေ့ရပါတယ်။ ဒီလိုဆရာစားချန်ထားတဲ့အတွက် နောက်ရောက်လာတဲ့သူက လုပ်ငန်းတွေကို ဆောင်ရွက်တဲ့အခါမှာ စမ်းတ၀ါးဝါးနဲ့ လုပ်ဆောင်ရတာ ကြန့်ကြာတာမျိုး ဖြစ်တတ်ပါတယ်။ ဒါကြောင့် မန်နေဂျာကောင်း ခေါင်းဆောင်ကောင်း တစ်ယောက်အနေနဲ့ Sharing, Transferring, Explaining စတဲ့ မူဝါဒကောင်းလေးတွေ ရှိဖို့လိုအပ်ပါတယ်။
အထက်ပါ ယူဆချက်ကလေးနဲ့ ပတ်သက်ပြီး နောက်လိုက်တွေ၊ လူငယ်တွေဘက်မှလည်း ပြုပြင်စရာ လိုပါသေးတယ်။ ဆရာကြီး သခင်ကိုယ်တော်မှိုင်းရေးသားသော လူကြီးနဲ့ လူငယ် စကားပြေထဲကလို အယူအဆလွဲတာမျိုးလည်း မဖြစ်သင့်ပါဘူး။ လုပ်ငန်းဆိုင်ရာ သိမှတ်ဖွယ်ရာများကို သေချာသင်ယူသင့်ပါတယ်။ မိမိတာဝန်ယူရတဲ့အလှည့်မှာ ပြောင်းလဲလာတဲ့ ခေတ်စနစ်နဲ့အညီ လိုက်လျောညီထွေ လုပ်ဆောင်နိုင်ရန် ကြိုးစားသင့်ပါတယ်။ ရှေ့လူကလည်း ဆရာစားမချန်၊ နောက်လူကလည်း ကြိုးစားမှုရှိရင် အလယ်လူ ပျောက်တယ်ဆိုတာ တဖြည်းဖြည်းနဲ့ ပျောက်ကွယ်သွားမည်ဟု မျှော်လင့်ပါကြောင်း