မျောက်ဖြစ်ချင်တယ် ဒေါ်ကြီးရယ် (၂ )

ဒီလိုနဲ့ပဲ စန္ဒာရွှေတို့ဆီမှာ ဆီတလူးလူးနဲ့ မိ်ိုးလင်းလိုက် မိုးချုပ်လိုက်နဲ့ အချိန်တွေ ကုန်ဆုံးခဲ့ရပါတယ်။ တနေ့နေ့လည်မှာတော့ ဈေးရောင်းနေရင်း စန္ဒာရွှေက အိမ်မှာ ဆီချက်ပုလင်းကျန်ခဲ့တယ်။ ပြန်ယူလို့ ခိုင်းလို့ ပြန်သွားယူပါတယ်။ ဒါပေမယ့် အိမ်မှာ မတွေ့ဘူး။ အဲဒီတော့ စန္ဒာရွှေက နင့်ကြောင့် ပျောက်တယ်ဆိုပြီး ကျွန်မဇက်ပိုးကိုလည်း နှစ်ချက်ရိုက်ပါတယ်။ ပြန်လျှော်ပေးလို့လည်း ပြောပါတယ်။ အမှန်တော့ ကျွန်မက သူတို့သယ်ခိုင်းတာတွေကိုပဲ သယ်ရတာပါ။ ဘာပစ္စည်းပါတယ်ဆိုတာ သေချာ မသိရပါဘူး။ အဲဒီနောက်တော့ အိမ်မှာ ထမင်းပြန်ချက်။ လမ်းမှာ ဆန်ဝင်ဝယ်သွားဆိုပြီး ပိုက်ဆံ တစ်ထောင်ပေးပြီး လွှတ်လိုက်ပါတယ်။ ကျွန်မလည်း သူတို့ဆီမှာ ဆက်မနေချင်တော့တာနဲ့ အဘွားတို့အိမ်ကိုပဲ ပြန်လာခဲ့ပြီး အဘွားရယ် သူတို့ဆီကို မပြန်ခိုင်းပါနဲ့တော့။ ဒီမှာပဲ လုပ်ပါရစေလို့ ငိုယိုပြီး ပြောတော့ အဘွားက နင်ပြန်မသွားချင်လည်း နေလေ လို့ဆိုမှ အပူလုံးကြီး ကျသွားပါတော့တယ်။ ဒါပေမယ့် သိပ်မကြာခင်မှာပဲ စန္ဒာရွှေ ယောက်ျား လိုက်လာပြီးတော့ ကျွန်မက သူတို့အိမ်က ပစ္စည်းတွေ ခိုးသွားလို့ဆိုပြီး ပြောပါတယ်။ နောက်တော့ ရဲစခန်းမှာ အမှုဖွင့်ပါတယ်။ အဲဒီတော့ အမေက လိုက်သွားပြီး ကလေးက မနေချင်တော့လို့ မထားနိုင်တော့ကြောင်း၊ ကြိုယူထားတဲ့ လစာငွေနဲ့ ကလေးကြောင့် ပျက်စီးသွားတာတွေကို လျှော်ပေးမယ်လို့ ကတိပြုခဲ့ရတယ်လို့ ပြောပါတယ်။ ဒါပေမယ့်လည်း လျှော်ရမယ့် ငွေတွေက ကျွန်မတို့အတွက် များလိုက်တာလေ။ နားတောင် မလည်တော့ဘူး။

ဒီလိုနဲ့ ကျွန်မလည်း အဘွားကြီးနဲ့ ဈေးကူထွက်ရပြန်ပါတယ်။ အဘွားကြီးက အသက်ကြီးတော့ ဈေးတောင်းမရွက်နိုင်တော့တာမို့ ကျွန်မက ဈေးတောင်းရွက်ပြီး ဈေးလေးကို လိုက်ကူရပါတယ်။ အဘွားကြီးဆိုင်နားက ဈေးသည်တွေက ကျွန်မကို တောက်တိုမယ်ရခိုင်းလို့ မုန့်ဖိုးလေး ဘာလေးလည်း ပေးပါတယ်။

တနေ့တော့ အဘွားကြီးဆိုင်မှာ ဈေးဝယ်နေကျ ဒေါ်ကြီးတစ်ယောက်ကို အဘွားကြီးက ကျွန်မတို့ ဖြစ်အင်တွေကို ပြောပြလို့ ညည်းတော့ ဒေါ်ကြီးက တော်တော် စိတ်မကောင်းဖြစ်သွားပုံရပါတယ်။ ဒါနဲ့ သူအိမ်မှာ သမီးနှစ်ယောက်ရှိပြီး သမီးတွေကလည်း အရွယ်ရောက်လို့ အလုပ်ကိုယ်စီနဲ့ တာဝန်ကျရာမှာ နေရတဲ့ အကြောင်းတွေ ပြောပြပါတယ်။ ဒေါ်ကြီးက သူ့သမီးတွေ ၀တ်ခဲ့တဲ့ အကျီတွေရှိတယ်။ လာယူလို့ ပြောတဲ့အတွက် အဘွားကြီးနဲ့ သွားယူပါတယ်။ အိမ်ကိုရောက်တော့ ဒေါ်ကြီးက အကျီတွေကို အပြင်ကို ထုတ်ထားပြီး စောင့်နေပါတယ်။ ကျွန်မနဲ့ တော်တာတွေကို ရွေးလိုက်တာလေ အများကြီးပဲ ရတယ်။ တချို့ဟာတွေက တော်တော်ကြီးနေလို့ မယူလိုက်ရဘူး ဖြစ်နေတယ်။ ဒေါ်ကြီးအိမ်က ပြန်တော့ ကျွန်မ ပျော်လိုက်တာ --- လှလှလေးတွေ ၀တ်လို့ရပြီဆိုပြီး တွေးလာလိုက်တာ အိမ်ကို ဘယ်လို ပြန်ရောက်လာမှန်းတောင် သတိမထားမိလိုက်ဘူး။

ဒီလိုနဲ့ နောက်ရက်တွေလည်း ဒေါ်ကြီးဈေးလာဝယ်ရင် အဘွားကြီးက အပိုတွေ ထည့်ပေးတတ်ပါတယ်. ဒါပေမယ့် ဒေါ်ကြီးက ပေးတိုင်းမယူပါဘူး။ သူတို့ အိမ်က လူနည်းတဲ့အတွက် မစားနိုင်တဲ့အကြောင်း ပြောပြီး မုန့်တွေ ထည့်ပေးရင် ပြန်ပြီး ပေးခဲ့တာက များပါတယ်။

တနေ့တော့ အဘွားကြီးက အဲဒီဒေါ်ကြီးကို ကျွန်မကို လက်တိုလက်တောင်းခိုင်းဖို့ ယူပါလားလို့ မေးတော့ ဒေါ်ကြီး မယူချင်ဘူးတဲ့။ သူ့မှာလည်း သားသမီးရှိလို့ သူများတွေက ဒီလို ခိုင်းစားခံရမှာကို မလိုချင်တဲ့အကြောင်း ပြောပါတယ်။ ကျွန်မလည်း တော်တော်ဝမ်းနည်းသွားတယ်။ ကျွန်မက ဒေါ်ကြီးက ခေါ်မယ်ဆိုရင် လိုက်နေချင်တယ်။ ဘာကြောင့်လည်းဆိုတော့ ဒေါ်ကြီးကို ကြည့်ရတာ သဘောကောင်းပုံရတယ်။ ပြီးတော့ ကျွန်မ ဒေါ်ကြီးတို့အိမ်သွားပြီး အ၀တ်အစားတွေ ယူတုန်းက ဒေါ်ကြီးတို့ အိမ်က တီဗွီကြီးက အကြီးကြီးပဲ။ ဒေါ်ကြီးတို့အိမ်မှာနေရင် ရုပ်ရှင်တွေလည်း ကြည့်ရမှာ --- ပြီးတော့လည်း စန္ဒာရွှေတို့ကို ပေးရမယ့် အကြွေးတွေကလည်း ရှိသေးတယ်။ အဘွားကြီးတို့ကလည်း မပေးနိုင်နဲ့ နောက်တစ်ခါ ကျွန်မကို ရဲစခန်းက လာဖမ်းမှာလည်း ကြောက်သေးတယ်။ ဒေါ်ကြီးက ခေါ်ရင်တော့ တော်တော်ကို ကောင်းမှာပဲ လို့ တွေးနေမိတယ်။ ဒါကြောင့် အဘွားကြီးဆီမှာ ဒေါ်ကြီးဈေးလာဝယ်တိုင်း ရီ ရီပြရတာ ပါးတောင် တော်တော် ညောင်းနေပြီ။

မျောက်ဖြစ်ချင်တယ် ဒေါ်ကြီးရယ် ---- (၁)

ကျွန်မ နာမည်က အငယ်မ။ နာမည်ရင်းတော့ မဟုတ်ဘူး။ နာမည်အရင်းက လှတယ်ရှင် --- သူဇာလွင်တဲ့။ ဒါပေမယ့် ဘယ်သူမှ အဲဒီနာမည်မခေါ်ဘူး။ အကုန်လုံးက အငယ်မပဲ ခေါ်တော့ အဲဒါကပဲ ကိုယ့်နာမည်ဖြစ်နေတာ။ သူဇာလွင်လို့ ခေါ်သံကြားရင် နားထဲမှာကိုက ယားကျိကျိ။ မွေးရပ်က ရန်ကုန်မြို့ကြီးရဲ့ ဒညင်းကုန်းရပ်ကွက်ထဲ --- အဖေဆုံးပြီးတော့ အမေတစ်ယောက်တည်းလည်း သမီးတွေ အတွက် မလုံးပမ်းနိုင်တာနဲ့ အဘိုး၊ အဘွားများ ရှိရာ ပုသိမ်မြို့ရဲ့ ပျံကျ ရပ်ကွက်လေးထဲကို ပြောင်းသွားခဲ့တယ်။

မွေးချင်းက လေးယောက်။ ခုတော့ သုံးယောက်ပဲ ကျန်တော့တယ်။ ကျွန်မရဲ့ အထက်က အကြီးတစ်ယောက်က ဆုံးသွားပြီလေ။ အဘိုး၊ အဘွားတွေကလည်း လက်လုပ်၊ လက်စား တော်တော်ကလေး ဆင်းရဲတယ်။ မုန့်ဟင်းခါးဟင်းရည်နဲ့ စားရတဲ့ ခေါက်ဆွဲဖြန့်တဲ့ အလုပ်လေးလုပ်ပြီး ခေါက်ဆွဲဆိုင်၊ ကော်ရည်ဆိုင်နဲ့ ဈေးလေးထဲမှာ သွားရောင်းကြတယ်။ နဂိုကတည်းက ကြပ်တည်းရတဲ့ကြားထဲ ခုလို ပါးစပ်ပေါက်တွေ တိုးတာတော့ ပိုလို ကြပ်တည်းသွားတာပေါ့။ ဒါပေမယ့်လည်း ညည်းညူရင်းပဲ သမီးနဲ့ မြေးတွေကို ရှာဖွေကျွေးမွေးပါတယ်။ ဒီလိုနဲ့ ကျွန်မလည်း အရွယ်ရောက်ပြီး လုပ်နိုင်ကိုင်နိုင်ရှိလာတော့ တစ်ဖက်တစ်လမ်းက အပိုဝင်ငွေလေးရအောင်ဆိုပြီး အဘွားကြီးတို့ ခေါက်ဆွဲပို့နေကြဆိုင်တစ်ဆိုင်ကို အိမ်အကူ (ဒီအရပ်မှာတော့ အိမ်ဖော်ပေ့ါ) ပို့လိုက်တယ်။ ကျွန်မရဲ့ လုပ်အားခတွေကို အမေနဲ့ အဘွားက လာလာပြီး ယူသွားကြတာပဲ။ အိမ်ပိုင်ရှင် စန္ဒာရွှေ (မုန်းလွန်းလို့ အန်တီလို့တောင် ထည့်မခေါ်ဘူး) အပြောအရတော့ ညည်းအမေက ပိုက်ဆံတွေမှ ကြိုယူသွားတာ အများကြီးပဲတဲ့။ အမေတို့ကလည်း အမြဲတမ်းကြပ်တည်းနေတာမို့ သူပြောတာလည်း ဟုတ်မှာ။ ကျွန်မကတော့ ဘာမှ သေချာ မသိဘူးလေ။ စာလည်းမှ မတတ်တာ။ ကျောင်းတောင် သူငယ်တန်းအထိပဲ နေဖူးတာ ---

စန္ဒာရွှေတို့က မုန့်ဟင်းခါးဆိုင်ဖွင့်တယ်။ အိမ်နဲ့ ဆိုင်နဲ့ က အဝေးကြီးရယ်။ သူတို့က နေ့လည်ပိုင်းမှ ဆိုင်ဖွင့်တာ။ ဒါကြောင့် နေ့လည် ၁၁နာရီဆိုရင် ဆိုင်ခင်းဖို့ စလုပ်ရပြီလေ။ မြို့လယ်ခေါင်က သိမ်ကြီးရှေ့မှာ ရောင်းတာ။ ဆိုင်ခုံတွေဆိုအိမ်ကနေပဲ သယ်ရတာ --- ကျွန်မမှာ တနေ့တနေ့ ရွက်ရတာ ခေါင်းကို ကျိန်းရော။ ပြီးရင် အိမ် နဲ့ ဆိုင်ကိုလည်း ခေါက်တုန့် ခေါက်ပြန် သွားရတာ။ သူတို့ ခိုင်းတာတွေ သွားယူပေးရတာ။ တော်ကြာ ဆီချက်ရည် ကျန်ခဲ့လိုက်။ ပဲမှုန့် ကျန်ခဲ့လို့ ပြေးလိုက်ဦး။ တနေ့ တနေ့ ပြေးနေရတာ ဆိုင် မသိမ်း မချင်းပဲ။ တခါတလေဆို လမ်းတောာင် ဆက်မလျှောက်ချင်တော့လောက်အောင် ညောင်းနေတာ။ သွားတာနှေးရင်လည်း ခေါင်းခေါက်သေးတယ်။

ကျွန်မအလုပ်က စန္ဒာရွှေတို့ဆိုင်ကို ကူညီရုံတင်မကပါဘူး။ အိမ်မှာလည်း ရေခပ်ရ။ ထမင်းချက်ရ။ (ဟင်းတော့ မချက်ရဘူး) သူတို့ကလည်း ချက်မစားပါဘူး။ ကျွန်မကိုတော့ မုန့်ဟင်းခါးရည်နဲ့ ကျွေးပြီး သူတို့ကတော့ ဆိုင်က ပဲဟင်းနဲ့ အခြားဟင်းတွေ ၀ယ်စားတာပေါ့။ ကျွန်မကတော့ နေ့တိုင်း မုန့်ဟင်းခါးရည်နဲ့ပဲ စားရတာပေ့ါ။ အိမ်က လူတွေ ခိုင်းတာ အကုန်လုပ်ရနဲ့။ ဒီကြားထဲ ဈေးလည်း ၀ယ်ပေးရသေးတယ်။ တိုတိုစစလေးတွေပါ။ ဆေးလိပ်တို့၊ ကွမ်းတို့၊ လက်ဖက်ရည်တို့ပေါ့။ ကျွန်မကလည်း အဲဒါတွေ သွားဝယ်ခိုင်းရင်ပျော်တယ်။ လက်ဖက်ရည် ၀ယ်ပေးရတာ အပျော်ဆုံးပေါ့။ ဘာကြောင့်လဲဆိုတော့ လက်ဖက်ရည်ဆိုင်မှာက ဗွီဒီယိုပြတယ်လေ။ ကျွန်မကြိုက်တဲ့ မြန်မာကားတွေဆို အကြာကြီး ကြည့်ပစ်လိုက်တာ။

ကျွန်မကို စန္ဒာရွှေတို့က မအားရအောင်ခိုင်းတာ။ တခါတလေဆို မနက်စာ ထမင်းတောင် လွတ်တယ်။ ရေလည်း သေချာ မချိုးဖြစ်ပါဘူး။ ရေချိုးနေရင်းနဲ့ အငယ်မရေ --- မပြီးသေးဘူးလား --- ကြာလှချည်လား --- မြန်မြန်လုပ်-- ကဲကြည့်ဦး ခုမှ စချိုးရတာ။ ဂျီးတောင် မတွန်းရသေးဘူး။ အဲဒါနဲ့ လက်စသတ်. ကိုယ်က ချွေးနံ့တောင် မစင်ဘူး။ ဒီလိုပဲ လုံးချာလည်လိုက်တာ ညရောက်ရော --- ညဆိုလည်း ၉နာရီလောက်မှ ဆိုင်သိမ်းတာဆိုတော့ အိမ်ကိုရောက်တော့ ၁၀နာရီကျော်။ အိုး၊ ခွက်တွေ တိုက်၊ ချွတ်ဆေးကြော။ ညစာ အဖြစ် မုန့်ဆိုင်က အကျန် ခေါက်ဆွဲတွေ၊ ထမင်းတွေ ရောစားပြီး ၁၁ နာရီလည်း ကျော်ရော တစ်နေ့တာ လက်စသိမ်းလို့ အိပ်ရရော ---



ဆက်ပါဦးမည်။ မျှော် ---

အတွေးအချို့ (၁)

လူတိုင်းလူတိုင်းဟာ မိမိတို့ ရှင်သန်နေရတဲ့ ဘ၀ကို ဘာနဲ့ တူသလဲလို့ ပုံဖော် စဉ်းစားဖူးကြပါလိမ့်မယ်။ ကျွန်မလည်း ပုံဖော်ကြည့်ဖူးတယ်။ တချို့သော စိတ်ကူးတွေကို မမှတ်မိ တော့ပေမယ့် တလောကမှ စိတ်ကူးဖူးတဲ့ ဘ၀သဏ္ဍန်ကို တင်ပြလိုက်ရပါတယ်။

ဖေဖော်ဝါရီလတုန်းက ကျွန်မတို့ရဲ့ တရုတ်နှစ်သစ်ကူးပွဲတော်ရှိလို့ ဇာတိမြေ ပုသိမ်ကို ပြန်ဖြစ်ခဲ့ပါတယ်။ ကားလက်မှတ် ကလည်း စောစောကတည်းက ကြိုတင်ဝယ်ခဲ့လို့ နေရာကောင်းကို ရခဲ့ပါတယ်။ ဒရိုင်ဘာနော်ကခုံရဲ့ တစ်ခုံကျော်ဆိုတော့ view ကောင်းတယ်ပေါ့ရှင်။ လမ်းဘေးဝဲယာကိုလည်း ကြည့်နိုင်သလို လမ်းရှေ့တစ်ဆုံးကိုလည်း ကြည့်နိုင်ပါတယ်။ မည်သူမဆို ခရီးထွက်ရတဲ့အခါ နေရတဓူဝ လုပ်ငန်းဆောင်တာများမှ ဝေးလို့ စိတ်ပင်ပန်းမှုများကို တစ်ပိုင်းတစ်စ ကွယ်ပျောက် သက်သာစေပါတယ်။ မဟာရန်ကုန်မြို့တော်မှာ ရပ်တည် နေထိုင်နိုင်ဖို့ ကြိုးစားရတဲ့ ကျွန်မလည်း အတော်ကလေးတော့ ပင်ပန်းပါတယ်။ ကျွန်မကလည်း ခရီးသွားဝါသနာ ပါတာကြောင့် ခရီးတို၊ ခရီးရှည် ဘယ်လိုပဲဖြစ်ဖြစ် နှစ်သက်ပါတယ်။

နောက်ပြီး ကျွန်မရဲ့ အလေ့အကျင့်တစ်ခုက ခရီးသွားရင်းနဲ့ ရုပ်ရှင်ဇာတ်ကားတွေကို ကြည့်ရှုလေ့ မရှိပါဘူး။ ဒါကြောင့် ရှေ့တွေး၊ နောက်တွေး၊ ဟိုငေး၊ ဒီငေးနဲ့ ခရီးကို သွားလေ့ရှိပါတယ်။ ပုသိမ်အပြန်ခရီးကို သွားနေရင်းနဲ့ အဝေးပြေးလမ်း တစ်လျှောက် ကျွန်မတို့စီးနင်းလိုက်ပါလာတဲ့ ကားမောင်းနှင်ပုံကို ကြည့်ရှုသုံးသပ်မိရင်း ဘ၀ဆိုတာ တစ်ခါတစ်ရံ အဝေးပြေးလမ်းမကြီးပေါ်မှာ မောင်းနှင်နေတဲ့ ဟိုက်ဝေးကားများနဲ့ တူတယ်လို့ ခံစားမိခဲ့ပါတယ်။

အဝေးပြေးလမ်းမကြီးပေါ်က ခရီးသွားကား၊ ကုန်တင်ကား ဘယ်လိုကားမျိုးဖြစ်ပါစေ။ မောင်းနှင်ယူဆရတာကတော့ မတိမ်းမယိမ်းပါပဲ။ ကားတွေဟာ လမ်းမကြီးပေါ်က မိမိမောင်းနှင်ရမယ့် လမ်းကြောင်းပေါ်မှာ အနှေး၊ အမြန်၊ ပုံမှန် အနေအထားတွေနဲ့ မောင်းနှင်ရပါတယ်။ အဝေးပြေးဂိတ်က စစထွက်ချင်းမှာ ဖြည်းဖြည်းနဲ့ ပုံမှန်မောင်းနှင်ရပေမယ့် ဟိုက်ဝေးလမ်းမ၊ အဝေးပြေးလမ်းမကြီးပေါ်ကိုရောက်ရင် လမ်းပေါ်မှာလည်း ကားတွေရှင်းရင် မိုင်နှုန်းမြင့် အမြန်မောင်းနှင် ရပါတယ်။ တစ်ခါတစ်ရံမှာ ဟိုဘက်၊ ဒီဘက် ကားတွေများလာရင် အရှိန်ကိုလျှော့လို့ ပုံမှန် မောင်းနှင်ရပြန်ပါတယ်။ တခါတရံ မနှေး မမြန်ပဲ မောင်းနှင်ရပါတယ်။ လမ်းကြောင်းယှဉ်မောင်းလို့ အရှေ့က ကားကို ကျော်တက်ချင်တဲ့အခါ မျက်နှာချင်းဆိုင်မှ လာသောကား၊ ဘေးဘီဝဲယာကိုလည်း တစ်ချက်ကြည့်ရှုလို့ လိုအပ်သလို မောင်းနှင်ရပြန်ပါတယ်။ အချိန်တစ်ခုအထိ မောင်းပြီးတဲ့အခါ ရှေ့ဆက်ခရီးဝေးသွားနိုင်ဖို့အတွက် သင့်တော်ရာမှာ ရပ်နားလို့ ခရီးတစ်ထောက် နားရပြန်ပါတယ်။ တခါတရံမှာ အင်ဂျင်တွေပူလို့ ကားအင်ဂျင်ရဲ့ အပြင်ဘက်ကို ရေလောင်းပေးရတဲ့ အခါလည်းရှိပါတယ်။ တခါတရံ ရှေ့၊ နောက်၊ ၀ဲ၊ ယာ ကြည့်မှန်တွေ ရှင်းလင်းစွာ မြင်ရနိုင်ဖို့ သုတ်သင်ရှင်းလင်းရတာမျိုးတွေလည်း လုပ်ရပါတယ်။

ထို့အတူပဲ လူ့ဘ၀မှာလည်း ဘ၀တစဆစ်ချိုး၊ ပညာသင်ချိန်က ပြီးလို့ ဥစ္စာရှာချိန် ခရီးထွက်စမှာ ဖြေးဖြေးမှန်မှန် လုပ်ဆောင်လို့ ဘ၀အတွက် ပိုင်ဆိုင်မှုတွေ စုဆောင်းရပါတယ်။ လုပ်ငန်းခွင်ထဲရောက်ပြီးလို့ အတိုင်းအတာ တစ်ခုပြီးတဲ့အခါ ဘ၀တစ်ဆင့် လှမ်းနိုင်ဖို့ အရှိန်မြှင့်လို့လည်း လုပ်ဆောင်ရပါတယ်။ လုပ်နေတဲ့ အလုပ်တစ်ခု၊ မြင်ကွင်းတစ်ခုတည်းမှာပဲ ဘ၀ရဲ့ အချိန်တွေကို အကုန်မခံသင့်ဘဲ မိမိလုပ်နိုင်စွမ်းအားရှိရင် ရှိသလောက် တိုးချဲ့ လုပ်ကိုင်သင့်ပါတယ်။ တစ်ခါတစ်ရံ အချိန်တွေမှာ မိမိကိုယ်တိုင် ထိန်းချုပ်လို့ မရနိုင်တဲ့ အပြောင်းအလဲတွေ ရှိနေတဲ့ အချိန်မှာ ပုံမှန်လေး လုပ်ကိုင်လို့ အရှိန်မပြတ် ဆက်လက်ရွှေ့နေသင့်ပါတယ်။ မည်သို့ဆိုစေ ဘ၀လမ်းတစ်လျှောက် လုပ်ကိုင်နေရတဲ့အခါ လုပ်ငန်းခွင်ကြောင့်ပဲဖြစ်ဖြစ် ကြီးပြင်းလာတဲ့ လူ့ဘ၀မှာ ပင်ပန်းနွမ်းနယ်မှုတွေနဲ့ လည်းကြုံတွေ့ရပါတယ်။ ဒါပေမယ့် အသက်ရှင်သန်နေဖို့ အတွက် မဆုံးသေးသော ဘ၀ခရီးလမ်းကို ဆက်လက် သွားကြရမှာပါ။ အဲဒီအတွက် ကားကြီးက ခရီးတစ်ထောက်နားလို့ အနားယူ အပန်းဖြေသလို လူ့ဘ၀မှာလည်း ပန်းသမျှတွေ အချို့တ၀က် ပြေပျောက်ကာ လန်းနိုင်ဖို့လည်း ပြုလုပ်ရမှာပါ. အရမ်းပင်ပန်းလာတဲ့အခါ အင်ဂျင်တွေ ပူလို့ စက်ဖုံးအပြင်ဘက်က ရေလောင်းသလို ကျွန်မတို့ရဲ့ ဥနှောက်တွေ၊ စိတ်တွေကိုလည်း ရေလောင်းသင့်ရင် ရေလောင်းရမှာပါ။ အနားယူ အပန်းဖြေရမှာပါ။

တခါတရံ ကျွန်မတို့ရဲ့ မှတ်ဥာဏ်တွေထဲမှာ မလိုအပ်တဲ့ အစိတ်အပိုင်းတွေ (တစ်စုံ တစ်ယောက်ကို မုန်းတီးမိတာမျိုးတွေ၊ မိမိဘ၀ကို အလိုမကျ ဘ၀င်မကျ ဖြစ်နေတာတွေ၊ ရင့်ကျက်သင့်တဲ့ အချိန် အများနည်းတူ မရင့်ကျက်နိုင်သေးလို့ ပတ်ဝန်းကျင်နဲ့ သဟဇာတ မဖြစ်သေးတာတွေ စသည်ဖြင့်ပေါ့) ကို မှတ်ထားရလို့ ရှေ့ဆက်ဘာမျှ သိပ်ထည့်လို့မရ၊ အမြင်၊ စိတ်ကူး၊ အတွေးတို့ မကြည်လင်ဘဲ ဖြစ်နေတဲ့အခါ ကားရဲ့ကြည့်မှန်တွေကို ဖုန်သုတ်လိုက်သလို ကျွန်မတို့ရဲ့ အတွင်းသန္တာန်ကို ရှင်းလင်းလိုက်ဖို့ လည်း လိုပါတယ်။ ဒီလို ဒီလို သွားရင်းနဲ့ လူ့ဘ၀ရဲ့ မဆုံးနိုင်တဲ့ခရီးတွေကို ပျော်ရွှင်စွာနဲ့ ဆက်လက်သွားနိုင်မှာပါ။

ကျွန်မခံစားမိ၊ တွေးမိတဲ့ ဘ၀ဆိုတာ ဘာနဲ့ တူသလဲဆိုတဲ့ ယူဆချက်လေးပါ။ စာဖတ်သူ ပရိတ်သတ်ကြီးလည်း မိမိတို့ ခံစားမိတဲ့ ဘ၀ဆိုတာ ဘယ်လိုဆိုတာ။ ဘယ်လိုသွားရင်တော့ ကောင်းနိုင်တယ် ဆိုတာလေး မျှဝေသွား နိုင်ပါတယ်။

ဒီပိုစ့်လေးမှာ အမြင်ချင်း ဖလှယ်နိုင်တဲ့အတွက် ချစ်တဲ့ သူငယ်ချင်းတွေကိုလည်း ဘလော့ဂ်ယဉ်ကျေးမှုလေး တစ်ခုဖြစ်တဲ့ Tag လုပ်လိုက်ပါတယ်။ Tag မလုပ်မိပေမယ့် မိမိခံစားချက်ကို ဝေမျှချင်တဲ့သူတွေလည်း ဝေမျှဖို့ ဖိတ်ခေါ်လိုက်ပါတယ်။

လက်ဆော့လို့ Tag မိတဲ့သူများက

၁။ ကိုဇီးရိုး

၂။ ပန်းပွင့်

၃။ မသီရိ

၎။ လင်းလက်ဖြူ

၅။ ချစ်မီး ( Danialog)

၆။ ဆောင်းနှင်းဖြူ

၇။ ခိုင်ခိုင်

၈။ တခါမျှ မဆုံဖူးပေမယ့် စိတ်ကူးကောင်းတွေရှိတဲ့ အစိမ်းရောင်လွင်ပြင်ပိုင်ရှင် ချစ်ချော

၉။ ဆောင်းရိုင်း

၂၀၁၀ ကမ္ဘာ့စီးပွားရေးကို တရုတ်က ဦးဆောင်သွားနိုင်တဲ့ အကြောင်းတရားလေးပါး

၂၀၀၉ စီးပွားရေးအကျပ်အတည်းမှ ပြန်လည်ဦးမော့လာနိုင်ရန်အတွက် တရုတ်နိုင်ငံသည် အရေးပါသော အခန်းကဏ္ဍမှ ပါဝင်ခဲ့သည်။ ကမ္ဘာ့စတော့ဈေးကွက်တွင် တရုတ်နိုင်ငံသည် ၆၀% မှ ၇၀% အထိပါဝင်ခဲ့ပြီး အကျိုးအမြတ်အားဖြင့်လည်း ၁၀% မှ ၂၀% ခန့်အထိ ရရှိခဲ့သည်။ ဗဟိုအစိုးရ၏ လျှင်မြန်စွာ ပြောင်းလဲ ချမှတ်ခဲ့သော စီးပွားရေးဆိုင်ရာ မူဝါဒများကြောင့် တရုတ်ဈေးကွက်သည် အကျိုးအမြတ်ကောင်းစွာ ရရှိခဲ့သည်။ စီးပွားရေး အဆောက် အအုံ ပိုမိုတည်ငြိမ်လာခဲ့ပြီး လာမည့် ၂၀၁၀တွင်လည်း ပိုမိုကောင်းမွန်သော ဈေးကွက်အနေအထားများကို ဖန်တီးနိုင် လိမ့်မည်ဖြစ်သည်။ ကမ္ဘာ့စီးပွားရေး ပညာရှင်များ၏ ခန့်မှန်းချက်အရ တရုတ်နိုင်ငံသည် ကုန်ကြမ်းပစ္စည်းများနှင့် စွမ်းအင်ဆိုင်ရာ လုပ်ငန်းများတွင် ၇၀% ခန့် ရင်းနှီးမြှုပ်နှံလုပ်ကိုင်လေသည်။ သို့ရာတွင် ရင်းနှီးမြှုပ်နှံသူများက ပိုမိုကောင်းမွန်လာသော စီးပွားရေး ညွှန်ကိန်းများကြောင့် တရုတ်အစိုးရသည် ၂၀၁၀တွင် ထည့်ဝင်မှုများ လျော့ကျသွား မည်ကို စိုးရိမ်နေကြသည်။ ခိုင်မာလာသော စီးပွားရေးဆိုင်ရာ ညွှန်ကိန်းများကြောင့် တရုတ်နိုင်ငံသည် ၂၀၁၀ ကမ္ဘာ့စီးပွားရေးကို ဦးဆောင်နိုင်လိမ့်မည်ဟု Wall Street Journal မှ သုံးသပ်ခဲ့သည်။ ထိုသို့သုံးသပ်ချက်သည် အောက်ပါ အကြောင်းတရား (၄) ချက်ပေါ်တွင် မူတည်၍ သုံးသပ်ပြောဆိုခဲ့ကြခြင်း ဖြစ်သည်။

(၁) တရုတ် - အာဆီယံ လွတ်လပ်သော ကုန်သွယ်မှုဇုန် တည်ထောင်လိုက်ခြင်း

တရုတ်နှင့် အာဆီယံနိုင်ငံများသည် ကမ္ဘာ့အကြီးဆုံး ဒေသတွင်း ကုန်သွယ်မှုဇုန်တစ်ခုကို ၂၀၁၀ နှစ်သစ်ကို ကြိုဆိုသောအားဖြင့် သဘောတူလက်မှတ်ရေးထိုးပြီး တည်ထောင်ခဲ့ကြသည်။ ထိုလွတ်လပ်သော ကုန်သွယ်မှုဇုန်သည် တရုတ်နှင့် ဘရူနိုင်း၊ အင်ဒိုနီးရှား၊ မလေးရှား၊ ဖိလစ်ပိုင်၊ စင်္ကာပူနှင့် ထိုင်းနိုင်ငံ စသည် ခြောက်နိုင်ငံနှင့် စတင်ကုန်သွယ်မည်ဖြစ်ပြီး ကုန်သွယ်မှုစည်းကြပ်ခွန်များကို လျော့ချကုန်သွယ်ကြမည်ဖြစ်သည်။ ထိုကုန်သွယ်မှုဇုန်သည် ကုန်သွယ်မှုပမာဏ အမေရိကန်ဒေါ်လာ ၄.၅ ထလီလျံအထိ ကုန်သွယ်မှု ပြုကြလိမ့်မည်ဟု ခန့်မှန်းကြသည်။ ထိုကုန်သွယ်မှု ပမာဏသည် ဒေသတွင်း တိုးတက်မှုအတွက် စွမ်းအင်တစ်ခု (Growth Engine) ဖြစ်လာနိုင်သည်။ အဆိုပါလွတ်လပ်သော ကုန်သွယ်မှုဇုန် သဘောတူညီချက်သည် ၂၀၁၀တွင် တရုတ်နိုင်ငံ၏ စုစုပေါင်းတိုင်းပြည် ထုတ်ကုန် (Gross Domestic Product – GDP) ကို ၁% မှ ၂% အထိ တိုးတက်လာနိုင်စေသည်။

(၂) တရုတ်နိုင်ငံသည် လာမည့်ငါးနှစ်အတွင်း သဘာဝစွမ်းအင် (Green Energy) တွင် ရင်းနှီးမြှုပ်နှံမှုများပြုလုပ်မည်ဟု အတည်ပြုခြင်း

စက်မှုလုပ်ငန်းများတွင် ဂျပန်နှင့် အမေရိကန်နိုင်ငံတို့ကို အမှီလိုက်နိုင်ရန် Green Energy ကဏ္ဍကို နိုင်ငံတော် စီမံကိန်းတစ်ရပ်အနေဖြင့် လုပ်ကိုင်သွားမည်ဖြစ်သည်။ စင်ဟွာသတင်းဌာန၏ ထုတ်ပြန်ချက်အရ တရုတ်နိုင်ငံ သည် လေနှင့် နေစွမ်းအင်ဆိုင်ရာ ကဏ္ဍများတွင် အမေရိကန်ဒေါ်လာ 454 ဘီလီယံခန့် ရင်းနှီးမြှုပ်နှံမှုများ ပြုလုပ်သွားမည်ဟု သိရသည်။ ပြန်လည် အသုံးချနိုင်သော စွမ်းအင်ကဏ္ဍတို့မှတဆင့် လျှပ်စစ်စွမ်းအင်ကို ဖော်ထုတ်သွား နိုင်ရန်လည်း ကြိုးပမ်းနေကြသည်။ သို့ဖြစ်ရာ လာမည့် ၂၀၂၀တအချိန်တွင် ပြန်လည်အသုံးချနိုင်သော စွမ်းအင် ရင်းမြစ်တို့မှ စွမ်းအင်ထုတ်လုပ်ရရှိမှုကို ၁၅% အထိရရှိအောင် ကြိုးစားသွား မည်ဖြစ်သည်။ ၂၁ရာစုတွင် နိုင်ငံအများစုသည် ကိုယ်ပိုင်စွမ်းအင်ထုတ်လုပ်ခြင်းဖြင့် စွမ်းအင်ဆိုင်ရာ မှီခိုမှု (Energy Dependency) ကို လျော့ချလို ကြသည်။ နည်းပညာဆိုင်ရာ တိုးတက်မှုများကို အသုံးပြုကာ လေစွမ်းအင်မှ လုံလောက်လျှပ်စစ်ပမာဏထုတ်လုပ်ကြပြီး ထိုနည်းပညာအား ဈေးကွက်တင် ရောင်းချမှုများကို ပြုလုပ်ကြသည်။

(၃) CIC ( China’s Sovereign Wealth Fund) က Green Energy ကဏ္ဍတွင် ရင်းနှီးမြှုပ်နှံခြင်း

တရုတ်အစိုးရ၏ သဘာဝစွမ်းအင် (Green Energy) ကဏ္ဍတွင် မူဝါဒများ ချမှတ်လုပ်ဆောင်ခြင်းနှင့် အညီ CIC (China Investment Corporatoion) သည် နိုင်ငံတော်၏ စွမ်းအင်မူဝါဒများတွင် တက်ကြွစွာ ပါဝင်လုပ်ဆောင်နေသည်။ Wind Turbine များကို အသုံးပြုကာ စွမ်းအင်ထုတ်လုပ်ခြင်း လုပ်ငန်းများကို လုပ်ကိုင်သော A Power Energy Generation သည် CIC အပါအ၀င် တရုတ်နိုင်ငံ၏ ဘဏ်လုပ်ငန်းများမှ အတိုးနှုန်းသက်သာစွာနှင့် ရင်းနှီးမြှုပ်နှံမှုများကို ရရှိသောကြောင့် ပြိုင်ဘက်ဖြစ်သော အိန္ဒိယ၊ သြစတြေးလျ၊ ဂျာမန်နှင့် ဒိန်းမတ်နိုင်ငံများကို ယှဉ်ပြိုင်ကာ ကမ္ဘာ့ဈေးကွက် တွင် နေရာရလာခဲ့ခြင်းဖြစ်သည်။

(၄) ၂၀၁၀ ကမ္ဘာ့တင်ပို့ကုန်များသည်လည်း တရုတ်နိုင်ငံအတွက် အခွင့်အရေးကောင်းတစ်ခုဖြစ်လာခြင်း

ကမ္ဘာ့တင်ပို့ကုန်များသည်လည်း နိုင်ငံတစ်နိုင်ငံ၏ စီးပွားရေး တိုးတက်မှုကို ဖြစ်စေသော အကြောင်းတရား တစ်ရပ်ပင် ဖြစ်သည်။ လေစွမ်းအင်၊ နေစွမ်းအင်နှင့် အခြားသော ပြန်လည်အသုံးပြုနိုင်သည့် သဘာဝစွမ်းအင်တို့ကို ကမ္ဘာ့ဈေးကွက်များသို့ တင်ပို့ရောင်းချနိုင်သော စီးပွားလုပ်ငန်းများရှိခြင်းသည်လည်း စီးပွားရေးအဆောက်အအုံကို တိုးတက်စေသည်။ သဘာဝပတ်ဝန်းကျင် ထိန်းသိမ်းစောင့်ရှောက်မှုများ နေရာရလာသော ယနေ့ခေတ်တွင် မည်သူမျှတစ်ဦးတစ်ယောက်မျှ ကျောက်မီးသွေးများ လောင်ကျွမ်းခြင်း မှ တဆင့် စွမ်းအင် မထုတ်ယူလိုကြတော့ချေ။ သို့ဖြစ်ရာ သဘာဝစွမ်းအင် (Green Energy) ဈေးကွက်သည် ကမ္ဘာ့ဈေးကွက်ဝေစုကို တဖြည်းဖြည်းနှင့် တိုးချဲ့ယူလာကြပြီဖြစ်သည်။

Ref:

http://seekingalpha.com/article/180762-four-signs-that-china-will-lead-world-economy-in-2010